2020 yil 1 yanvardan boshlab qator harbiylarga pensiyalar to‘liq miqdorda to‘lanadi
Опубликовано 06.12.2019 1046 0
O‘zbekiston Respublikasi prezidentining "Fuqarolarning pensiya ta'minoti tizimi samaradorligini oshirish va pensionerlarni ijtimoiy qo‘llab-quvvatlashni kuchaytirishga oid qo‘shimcha chora-tadbirlar to‘g‘risida"gi farmoniga o‘zgartirishlar kiritiladi.Muhokama uchun e'lon qilingan prezident farmoni loyihasiga ko‘ra, O‘zbekiston Respublikasi prezidentining “Fuqarolarning pensiya ta'minoti tizimi samaradorligini oshirish va pensionerlarni ijtimoiy qo‘llab-quvvatlashni kuchaytirishga oid qo‘shimcha chora-tadbirlar to‘g‘risida” 2018 yil 12 dekabrdagi PF–5597-son farmoni 1-bandi yangi tahrirda bayon etiladi.
Belgilab qo‘yilishicha, 2019 yil 1 yanvardan boshlab barcha ishlovchi pensionerlarga, 2020 yil 1 yanvardan boshlab O‘zbekiston Respublikasi Ichki ishlar vazirligi, Mudofaa vazirligi, Milliy gvardiyasi va Davlat bojxona qo‘mitasining pensiya olish huquqini beradigan xizmat muddatini o‘tab, xizmatdan bo‘shatilgan hamda yoshga doir pensiya oluvchi pensionerlari shahodatlangan lavozimlar hisobidan xizmatga qayta qabul qilingan taqdirda ularga pensiyalar to‘liq miqdorda to‘lanadi.
Amaldagi hujjatga ko‘ra, 2019 yil 1 yanvardan boshlab barcha ishlovchi pensionerlarga pensiyalar to‘liq miqdorda to‘lanishi belgilab qo‘yilgandi.
